Poetry SMS

Mujhay tum chorr mat dena,
hazaron duriyaan aain, baharin aa k kho jain, mera chehra bhula dena, meri yaadain bacha lena.

Jo lamhay dard detey hon, unhain beshak bhula dena, jo lamhay aas detey hon, unhain dil se laga lena, kahin b door reh lena, bohat majboor reh lena.

Magar is doori ko tum bahana mat bana lena, ta'aluk torr mat dena mujhay tum chorr mat dena...

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Khushiyon se naraz hay meri zindagi,
pyar ki mohtaaj hay meri zindagi,
hans letey hain logon ko hansaanay k liye,
warna dard ki kitaab hay meri zindagi.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Ye dunya hay yahan tamasha ho bhi sakta hay, abhi jo gham hamara hay tumhara ho bhi sakta hay.
Na ye samjho k tum he meri aakhri mohabbat ho, mohabbat jurm hay hum se dubara ho bhi sakta hay.
Tera milna bichar jana bichar k phir se mil jana, hamesha ki judai ka ishara ho bhi sakta hay.
Tum apnay aap ko hargiz koi ilzam mat dena, Ye soda hay mohabbat ka khasaara ho bhi sakta hay.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Kisi mukammal shakhs ki talash mei mohabbat na karo,
balkay
kisi adhuray ko mukammal kernay k liye mohabbat karo.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

ANMOL
Aankhon mein jotehreerain thin, honton pay wo bol na thay,
hum thay us k pyar k aashiq, bas hathoon mein kashkol na thay,
hum nay us ko toot k chaha, ye us ka haq tha lakin,
wo b hum ko toot k chahay , hum itnay "ANMOL" na thay.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Sahay dard hazaroon wo phir bhi hansti hay, Wo koi or nahin sirf MAA ki hasti hay,
jo kainaat k dardon ko seh k jeeti hay, wo koi or nahin sirf MAA ki hasti hay,
zameen se aasmaan tak pyar ki jo hasti hay, wo koi or nahin sirf MAA ki hasti hay,
wo ibtida wo intiha wo daastan meri, meri jannat meri chahat hay sirf MAA meri,
hum per pyar ki jo barish barsati hay, wo koi or nahin sirf MAA ki hasti hay,
Sahay dard hazaroon wo phir bhi hansti hay, Wo koi or nahin sirf or sirf MAA ki hasti hay.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Kis baat pey roothahay pata ho to manaoon...!
wo rooth to jata hay per shikayet nahin kerta.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Wo naam thi badal gai, main shaam tha dhal gaya.
wo nazar thi jhuk gai,main tehreer tha mitt gaya,
wo shama thi pighal gai, main parwana tha jal gaya,
wo ashk thi beh gai, main dard tha seh gaya,
wo chandi thi chup gai, main badal tha baras gaya,
wo toofan thi guzar gai, main gulshan tha ujarr gaya.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Mohabbat roog hoti hay kaha bhi tha, rula k khud bhi roti hay kaha bhi tha,
isay dil ki dharti ka pata mat do, ye is mein dard booti hay kaha bhi tha,
azal se is ki fitrat hay zameen kojaga ker khud ye sooti hay kaha bhi tha,
ye sir se paoon tak raakh ker day gi, bohat be dard hoti hay kaha bhi tha.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Barra ishq ishq tun kerna aain, kadi ishq da gunjal khool tey sai,
Tenu mitti vich na rol devay, do pyar day bol bol tey sai,
Sukh ghatt tey dard hazar milan, kadi ishq nun tagrri tol tey sai,
Teri hasdi akh v pijj jaway, kadi sanoon anderoon phool tey sai.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Ye barishain bhi tum si hain,
jo baras gain to bahar hay, jo theher gain to qaraar hay,
kabhi aa gain yunhe be-sabab, kabhi chaa gain yunhe roz-o-shab,
kabhi shor hay kabhi chup si hain, ye barishain bhi tum si hain,
kisi yaad mein, kisi raat ko, ik dabi hui si raakh ko,
kabhi yun hua k bhuja diya, kabhi khud sy khud ko jala diya,
kahin boond boond mein gum si hain, ye barishain bhi tum si hain.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Ay moj-e-hawaa khuch tu he bata, wo dost hamara kesa hay?
jo bhool chuka hay kab se humain, wo jaan se pyara kesa hay?
kia us k jevan lamhoon mein, koi lamha mera baqi hay?
kia us ko chandani ratoon mein, meri yaad abhi bhi aati hay?
ager aisa nahin to tu he bata, hum yaad usay kiyon kertay hain?
wo hum se bicharr k khush hay ager, to pal pal hum kiyon martay hain?

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Log zalim hain nashaiman jala detay hain, dikha k sagar ki jhalak zehar pila detay hain,
kis terha un se karain khatam dosti, jin se miltay he zamanay ko bhula detay hain.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Kabhi is tarah meray hum safar, sabhi chahtein meray naam ker,
ager ho sakay to kabhi kahin, meray naam bhi koi shaam ker,
meray dil k saye mein aa zara, meri dharrkanoon mein qayaam ker...!

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

"Adhuri"
tum bin meri zaat adhuri, jasay koi baat adhuri,
hijar k saray din hain puray,lakin hay her raat adhuri,
lafzoon ki gehrai mein jhanko, samjho naa her baat adhuri,
num aankhein or sukhi pelkain, hoti hay barsaat adhuri,
mujh se mujh ko cheen gaye tum, reh gai meri zaat adhuri,

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Wo nafratoon k sawal ker k mohabbaton k jawab mangay,
meray hissay mein kantay link k wo mujh se taza ghulab mangay,
ye chahaton ki karri musafit chalay hain tanha shikast kerda,
koi to meray bhi dard janay koi to us sy hissab mangay.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

koi ehad bhi us ko yaad nahin koi baat bhi us ko yaad nahin,
ik shakhs ne us ko chaha tha wo zaat bhi us ko yaad nahin,
jab shab ki bijli chamki thi or badal toot k barsa tha,
hum donoon jis mein bheegay thay wo barsaat bhi us ko yaad nahin,
wo sahil daryaa phool hawa wo waada sath nibhanay ka,
or shab bhar chand ko dekha tha wo raat bhi us ko yaad nahin,
wo kehta tha main sunta tha main kehta tha wo sunta tha,
wo lakhoon batoon mein ab tak ik baat bhi us ko yaad nahin.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Vaikh bandya!!!
Aasmanaan te udd'day panchi
vaikh te sai ki kerday nain!
na o kerday rizqzakheera
na o bukhay merday nain!
kadi kisay ne pankh pakhairru
pukhay merday vekhay nain!
banday ee kerday rizq zakhira
banday he pukhay merday nain!
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Main ronay se darta hun
juda honay se darta hun,

meri aankhain batai hain
main sonay se darta hun,

meri ungali pakarr lena
mujhay tanha nahin kerna,

ye dunya aik mela hay
tumhain khonay se darta hun,

jab hansta hun to kiyun palkon kay goshay bheeg jatay hain
tumhain maloom hay main is terha ronay sy darta hun,

jab sy khawaab dekha hay mujhy tum chorr jao gay
main ab khwaboon sy darta hun main ab sonay say darta hun....

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

aa bant lain sary dard-o-alam
khuch tum rakh lo kuch hum rakh lain,

ab ponch lo ashq ay dost
khuch tum rakh lo kuch hum rakh lain,

hum saath rahain or sath chalain
hum sath jiyain or sath marain,

is rah-e-wafaa py apnay qadam
khuch tum rakh lo kuch hum rakh lain,

maana k dukhoon se tum ho bharay or hum bhi khali hath nahin
ye zulm-o-sitam tumhain meri qasam khuch tum rakh lo kuch hum rakh lain,

be dard zamanay walay jo
khuch khtay hain so khnay do,

be loos taman'naoon ka bharam
khuch tum rakh lo kuch hum rakh lain...

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Mohabbat ka asar ho ga ghalat fehmi mein mat rehna,
wo badlay chalan apna ghalat fehmi mein mat rehna,
tasalli bhi usay dena ye mumkin hay main loat aaun,
magar ye bhi usay kehna ghalat fehmi mein mat rehna,
tumhara tha tumhara hun tumhara he rahoon ga main,
meray baray mein is darja ghalat fehmi mein mat rehna,
mohabbat ka bharam toota hay ab chup chup k rotay ho.
tumhain main ny kaha tha na ghalat fehmi mein mat rehna...

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Ya Allah teri azmatoon sy hoon bay khabar
ye meri nazar ka kasoor hay
teri rah-e-guzar mein kadam kadam
kahin arsh hay kahin toor hay
ye bajaa hay Malik-e-Dojahan
meri bandagi mein kasoor hay
ye khataa hay meri khataa magar
tera naam bhi ti Ghafoor hay
ye bata tujh sy miloon kahan
mujhay tujh sy milna zaroor hay
kahin dil ki shart na rakh dena
abhi dil ghamoon sy choor hay..

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Tere naam ki thi jo roshni usay khud he tu ne bhula diya,
na jala saki jisay dhoop bhi usay chandani ny jala diya!
main hon gardishoon mein ghira hua mujhay aap apni khabar nahin,
wo jo shakhs tha mera raah numaa usay rastoon mein ganwa diya,
jo teri nazar mein ajeeb tha whi shakhs tera habib tha!
teray haath ki wo lakeer tha usay haath sy he mitta diya!
mujhy ishq hy k janoon hay abhi faisla nahin ho saka,
mera naam zenat-e-dasht tha mujhy aandhiyon ne mitta diya...

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Moat ki aghosh main jab thak k so jati hay maa
tab kahin ja ker thorra sakoon pati hay maa
rooh k rishtoon ki ye gehraiyan to dekhiye
chat lagti hay humain or chillati hay maa
mangati hay khuch bhi nahin apnay liye ALLAH sy
apnay bachoon k liye daaman phailati hay maa
pyaar kehtay hain kisay or mamtaa kia cheez hay
koi un bachoon sy puchay jinki guzar jati hay maa
chahay hum khushiyoon mein bhool jain maa ko
jab museebat sar pey aati hay to yaad aati hay maa

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Mohabbat ki zanjeer sy dar lagta hay
Khuch apni taqdeer sy dar lagta hay
Jo mujhay tum sy juda kerta hay
Haath ki us lakeer sy dar lagta hay

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~